قــدرك
قدرك أنك طرقت أبواب قلب
لاا يستطيع النسيان
فالذكريات محفورة على جدرانة
بكل الأطياف والألوان
نقوش ورسومات تزين أركانة
بحروف من نور
وأشعار غرام
ورسائل ممزوجة بعطور
وشجرة ورود وعش صغير لعصفور
قلوب وأسهم
وأحروف أولى
تتلألأ كالبلور
مازلت أتساءل
هل تستطيعين النسيان ؟؟
أذهبى ولا تبالى
ولا تلتفتى لوجع قلبى
أو أنين الليالى
فحبى لكى أسطورى
بل هو حب خيالى
مازلت أتساءل
هل تستطيعين النسيان
أنسينى
فحبك خالد فى قلبى
ومنقوش على الجدران
باق هو
طالما نبض القلب
وصمدت الجدران
لن أتساءل بعد الآن
لأن قلبى لايعرف سبيلاً للنسيان
هناك 7 تعليقات:
اولا طبعا كلامك جميل وكله احساس بس انا وحدة من الناس لن استطيع النسيان حتى لما بقعد بينى وبين نفسى بلاقى احداث كل حاجة فى حياتى بتعدى من قدام عنيا ومش بنسا ابدا عمرى مانسيت حد كلمته عمرى مانسيت حد زعلته عمرى مانسيت جرح عمرى مانسيت حب عمرى مانسيت حاجة قرأتها عمرى مانسيت حاجة زاكرتها فاكرة كل حاجة زاكرتها من الابتدائى لحد الجامعة انا بتمنى انى انسا لانى عاوزة انسا حاجات كتير اوى ......... ربنا معاك ......... نــــــــــور
انتى كده بتترجمى كل اللى انا كتبته عن قلبى، انا صورته زى مايكون جدران اثرية متسجل عليها كل مراحل حياتى، قلب لا يعرف النسيان، كل الاحداث متسجلة ومحفورة فيه.
طول عمرك يانور حساسة وردودك دايما بتفيدنى، ياريت تزورينى على طول، ويارب المواضيع بتاعتى تعجبك زى ماتعليقاتك دايما بتعجبنى.
ربنا يفرح قلبك
جميل جدااااااااااا يا ميخو
الله عليكى يا مها، نورتينى كتير، اتمنى انك تنورينى دايما لان بوجودك معايا مدونتى ليها قيمة كبيرة.
مجهود واضح وابيات جميلة
ومشكور على دعوتي
ربنا يوفقك
مجهود واضح وابيات جميلة
ومشكور على دعوتي
ربنا يوفقك
شكراً يا رانيا على زيارتك الجميلة وأتمنى ماتكونش أخر مرة، وأتمنى ليكى كل توفيق فى مدونتك http://pedestrianizm.blogspot.com/
ربنا معاكى.
إرسال تعليق