أحـــــلى همس

نورت المدونة يا أحلى همس فى أجمل الليالى، وياريت تزورنا دايماً ونقدر نسعدك

أمـــــــــــــــــير القلــــــوب

تحية لحمود الغالى

احلى تحية لكبير فلسطين حمود صحبى وحبيبى اللى نور مدونتى وياريت ارائك ومواضيعك تنورنا وتزود معلوماتنا.

الأمريكان دول عليهم حاجات غريبة

والله يا أخى الأمريكان دول عليهم حاجات غريبة، قريت من يومين إن لو عاوز تشعر بالسعادة لازم يكون معاك فلوس،، ماشى حلو لحد كده،، وبعد مايكون معاك فلوس اصرف كل يوم حاجة ولو بسيطة على أى حد عشان لما تشوف السعادة فى عنية انت كمان هتكون سعيد، والله برضه كلام حلو، وأنا بعد دراسة وتمحيص، وقعدت أصلى 3 أيام صلاة أستخارة، قررت أنى أدور على أى حد معاه فلوس يصرف عليا عشان أنا اللى أشوف السعادة فى عنية وهو بيصرف عليا هههههههههههههههه، وهو كله بثوابه وهنيالك يا فاعل الخير.

الأرصـــــــاد الجــــوية

حسب تقارير الأرصاد الجوية لأول مرة فى تاريخ شهر مارس الحبيب ترتفع درجات الحرارة أعلى من معدلاتها الطبيعية ( اللى أحنا والأرصاد الجوية مش عارفنها طبعاً) ويأخى زى مانكون فى الصيف، ويصاحب إرتفاع درجات الحرارة أرتفاع أيضاً معدلات القرف والزهق والعرق والذى منه.
وفى بادرة منا لمعرفة حقيقة الأمر قمنا بإستضافة الخبير العالمى للأرصاد الجوية السيد الأستاذ ( مخيمر) المسئول عن نشرات حالة الطقس والذى قام بتوقيع إتفاقية (قولوا لعين الشمس ماتحماش ،،، لحسن حبيب القلب إن شاء الله بكره صابح ماشى) قال وبكل صراحة:
" خلونا نتكلم كلام علمى ،،، يعنى اشمعنى درجة الحرارة هتفضل ثابتة ماهو الطماطم والبطاطس والزيت ولامؤاخذة الجاز كل يوم بيغلو،، وتقريباً والله أعلم على حسب علمى أن درجات الحرارة بتغير من الطماطم حبتين،،،وهو دا التفسير العلمى الوحيد للموضوع"

شكراً للأستاذ مخيمر الذى قام بتوضيح الأمر علمياً ونحن بصدد الأتصال تليفونياً (بس الخط يجمع) بدرجات الحرارة للبدء فى مفاوضات تخفيض معدلاتها، تفادياً لأى محاولة من أى شخص قد يقوم بتخفيف ملابسه وهذا مالا يحمد عقباه.

نفسى

نفسى كل يوم انشر 3000 رسالة ترحيب لأعضاء جدد ينورو المدونة الغلبانه زى صاحبها دى، يااااااااااه كده الواحد يموت وهو مطمن

بس انا خايف اموت من هنا والمدونة تكبر أكتر من هنا

مش هبقى مشهور بقى وكل الناس هيسجلوا فى المدونة بتاعة المتوفى أمير القلوب

وساعتها هكتبلكم من العالم الأخر وأمضى تحت بأسم

( المرحوم أمير القلوب)

هههههههههه

وكمان هيكون فيه مشاركات من العالم الأخر ونجيب مشاهير التاريخ عشان يسجلوا معانا ويكون فيه اسماء تجنن زى

رومانسى من تحت التراب، وجهنمى، ودلوعة الأخرة، وهيكل عظمى الحبوب ..... وهكذا أشتاتاً اشتوت

ياااااه ساعتها هبقى أسعد أنسان فى الدنيا أو الأخرة

نورتينــــا وشرفتينـــــــا

أجمل وأرق سلام لأحلى فلسطينية فروحة، نورتى وشرفتى المدونة وياريت تعجبك ، ويارب يارب نقدر نسعد قلبك عشان تزورينا على طوووووول

زورونا تجدو مايسركم، بقالة عم عبدو بتاع الخردوات

احلى تحية

احلى سلام وتحية للى نورو المدونة بتاعتى الحج ايمون والأخت العظيظة بنوته ويارب يشاركونا بكل جديد، وعقبال باقى الاصدقاء